DEBOUT CONGOLAIS NINDIRIMBO KI?

DEBOUT CONGOLAIS NINDIRIMBO KI?

Debout Congolais: Indirimbo yubahiriza igihugu ca Repubulika Iharanira Demokarasi ya Congo. Yimenye umenye n’amateka yayo.

Yanditswe ku minsi 10 / 04 /2011 - 07:10 A.M byanditswe na MANZI BOONY( Kampla)

Patrice Emery Lumumba waharaniye ubgigenge bga Congo Kinshasa.

Ifoto:

 Debout Congolais (Muhaguruke Bakongomani) n’umutwe w’indirimbo yubahiriza igihugu ca Repubulika Iharanira Demokarasi ya Congo. Mu rwego rwo gukumbuza no kwibutsa Abakongomani, cane cane abatuye mu mahanga, dore ko bamwe muri bo ariyo bavukiye, Umusanzu.blogspot.com yanyarukiye  mu mateka y’igihigu ca Congo ihasanga iy’indirimbo. Tubibutse ko iy’indirimbo yaririmbge mu rurimi rw’amahanga, igifaransa.

Umuntu agenzuye neza yasanga abaturage bavuga igifaransa muri Congo aribo bake. Indimi zivugwa muri Congo ni nyinshi cane ariko usanga abize bahuzwa n’uru rurimi rw’igifaransa. Tubibutse yuko ururimi rw’igifaransa rukoreshwa muri Congo cangwa bitewe nuko abakoronije iki gihugu (Ababirigi) bavuga igifaransa. Iyi n’imwe mu mpamvu yatumye iyi ndirimbo ihimbga mu gifaransa. 

Igihugu ca Congo cahoze nta ndirimbo icubahiriza kigira. Amakuru dukesha urubuga La Conscience yemeza ko kuva kera kose muri Congo haririmbgaga indirimbo yubahiriza igihugu c’Ababirigi. Iyi ndirimbo ikaba yitwa La Brabanconne. Iyi ndirimbo yaririmbgaga cane ku minsi 30 y’ukwezi kwa gatandatu, 1960; ababyibuka neza uyu munsi wararirimbgaga cane ku ngoma ya Perezida Mobutu, aho bagiraga bati: “Le 30 Juin bandeko biso tozui lipanda tomoni pasi bandeko na pilitique iyo.” Aha bashakaga kuvuga ku miyoborere mibi y’Abakoroni, bavuga ko kuri umunsi aribgo Congo yikukiraga. La conscience ikomeza ivuga ko kuri uyu munsi, ubgo Roi Baudouin yasomaga disikuru ye ya nyuma yaheshaga igihugu ca Congo ubgigenge, aribgo haririmbge ubga nyuma La Brabanconne. Kuri uyu munsi kandi nibgo ingunga n’ingoma (fanfares) za gisirikare zacuranze ubga mbere indirimbo yubahiriza igihugu ca Congo cari kimaze kuvuka ciyonkoye ku ngoma y’Abakoroni.    

Andi makuru makuru dukesha urubuga Wikipedia yemeza ko Debout Congolais yahagaritswe kuririmbga ubgo igihugu cahindurwaga izina kikitwa Zaire. Ico gihe yatsimbuwe n’iyindi ndirimbo yiswe La Zairoise. Ntibyahagarariye aha yuko nyuma yo gukuraho Perezida Mobutu mu mwaka w‘1997, ubutegetsi bga Perezida Desire Kabila bgongeye guhindura iyi ndirimbo busubizaho Debout Congolais. 

Iyi ndirimbo yahimbge n’uwitwa Joseph Lutumba. Uyu yahoze ari umwarimu wigisha iby’amateka. Nubgo Joseph ariwe wayihimbye ariko yaririmbge Pere Jesuit Simon-Pierre - Boka Dipansi-Londi. Iyi ndirimbo kandi igizwe n’amagambo ahamagarira Abakongamani guhuriza hamwe imishinga yabo berekeza mwiterambere rusange. Ikongera ikigisha abantu gukunda igihugu cabo (patriotism) no guharanira iterambere ry’igihugu.

. Gutegera indirimbo y’igihugu n’ingirakamaro yuko bituma umuntu akomeza gutekereza igihugu camubyaye. 

 Urashobora no gusoma aya magambo agize iyi ndirimbo mu rurimi rw’igifaransa:

Debout Congolais,
Unis par le sort,
Unis dans l'effort pour l'indépendance,
Dressons nos fronts longtemps courbés
Et pour de bon prenons le plus bel élan, dans la paix,
O peuple ardent, par le labeur, nous bâtirons un pays plus beau qu'avant, dans la paix.
Citoyens, entonnez l'hymne sacré de votre solidarité,
Fièrement, saluez l'emblème d'or de votre souveraineté, Congo.
Don béni (Congo) des aïeux (Congo),
O pays (Congo) bien aimé (Congo),
Nous peuplerons ton sol et nous assurerons ta grandeur.
(Trente juin) O doux soleil (trente juin) du trente juin,
(Jour sacré) Sois le témoin (jour sacré) de l'immortel serment de liberté
Que nous léguons à notre postérité pour toujours.

REKA DUTEGE AMASO AMATORA ATEGURWA MURI CONGO

RDC : Kabila yizeye adashidikanya ko ariwe uzegukana intsinzi mu matora ya Perezida
Yanditswe kuya 19-10-2011 - Saa 13:53' na BONAVENTURE RUSHIMISHA

Perezida wa Repubulika iharanira Demokarasi ya Congo, Joseph Kabila, akaba n’umukandida mu matora y’umukuru w’igihugu azaba tariki ya 28 mu kwezi gutaha avuga ko yifitiye icyizere gihagije cyo kuzatsinda aya matora.
Uwo mugabo yabaye umuperezida akiri muto ku mugabane w’Afurika (yafashe ubutegetsi mu 2001 afite imyaka 29) kuri uyu wa kabiri yatangaje ko yizeye ko azatsinda amatora akongera kuyobora icyo gihugu cya kabiri mu bunini kuri uyu mugabane.
Akomeza agira ati :’’ Nibyo, gutsinda amatora ndabyizeye kandi cyane. Nzi neza ko ntashobora gutsindwa. Sinzi niba hari undi muntu ufite icyizere ko azatsinda amatora 100% ariko jye ndabyizeye, nizeye ko ntashobora gutsindwa ".
Ibiro ntaramakuru by’Abafaransa (AFP) dukesha iyi nkuru bitangaza ko ibi Kabila yabivuze asubiza ibyari byavuzwe na Etienne Tshisekedi, umwe mu barwanyije ubutegetsi bwa Kinshasa igihe kirekire akaba nawe ari mu bazahatanira uyu mwanya, aho yavugaga ko ariwe uzatsinda amatora.
Kabila avuga ko Abanyekongo atari ibicucu, ko basobanukiwe ibijyanye n’ibya politiki kandi bazi guharanira inyungu zabo.
Ati :’’ Abaturage si ibicucu, ibya politike barabyumva, bazi ubwenge kandi ni n’abahamya b’ibishobora kubagirira akamaro ".
Icyakora ariko Kabila n’ubwo avuga ko yizeye gutsinda amatora, yongeraho ko aramutse atsinzwe yarekura ubutegetsi akareka uwamutsinze akayobora ; gusa ngo ibyo gutsindwa byo ntabitekereza.
Biteganyijwe ko amatora y’umukuru w’igihugu n’ayabagize Inteko Ishinga Amategeko muri iki gihugu azaba tariki 28 Ugushingo uyu mwaka. Aha Kabila yizeza abaturage ko bazatora mu mucyo, mu mutekano no mu bwisanzure ngo kubera ko igihugu kizaba gifite umutekano uhagije. Ati :’’ Inyeshyamba ebyiri cyangwa eshatu zitwaje intwaro mu Burasirazuba bwa Congo sizo zizabuza amatora kuba".

NIRYARI AFRICA IZABONA UBWIGENGE!!!!!!!!!!!!!!!!!!!!!!!!!!!!!!!!!!!!!!!

Libiya : Syrte yafashwe, CNT iratangaza ko Kadhafi yapfuye
Yanditswe na BONA RUSHIMISHA Umuyobozi w'ikinyamakuru umuvugizi.blogspot.com kuwa 20/10/2011 

Ingabo za CNT zimaze gutangaza ko zigaruriye umujyi wa Syrte Kadhafi akomokamo kuri uyu wa Kane tariki ya 20 Ukwakira 2011. Aka gace ka nyuma gafashwe mu gihe hari hashize ukwezi kose habera intambara y’inkundura hagati ya CNT n’abarwanyi bashyigikiye Muammar Kadhafi.
Nyuma yo kwigarurira agace ka Bani Walid kuwa Mbere w’iki cyumweru, ingabo za CNT zagoteye abashyigikiye Kadhafi mu gace kitwa No. 2 gafite ubuso bungana na kilometero kare imwe gusa.
Amakuru dukesha ikinyamakuru Le Figaro avuga ko igitero cyafashe umujyi wa Syrte cyatangiye ahagana mu ma saa mbili za mu gitondo, kikaba cyamaze iminota 90 gusa. Ayo makuru akomeza avuga ko bamwe mu byegera bya Kadhafi bashatse guhunga bifashishije imodoka ntibyabashobokera kuko bahise baraswaho n’indege za OTAN, nk’uko ubuyobozi bukuru bw’uyu muryango bubitangaza.
CNT nayo yatangaje ko yarashe imodoka nyinshi z’abageragezaga guhunga.
Amakuru ku buzima bwa Kadhafi akomeje gutera urujijo

Mu gihe mu masaha make ashize, Abdel Majid uyobora ingabo za CNT yari yatangaje ko bataye muri yombi Colonel Muammar Kadhafi, kuri ubu noneho biravugwa ko uwo mugabo yaba yapfuye azize ibikomere yari yagize mu mutwe no ku maguru yombi. Ayo makuru yatangajwe n’ubuvugizi bwa CNT i Misrata mu minota mike ishize, akaba akomeje kugarukwaho cyane n’ibitangazamakuru mpuzamahanga.
Abdel-Basit Haroun, umwe mu bayobozi b’ingabo ba CNT nawe yatangarije Reuters ko Kadhafi yari yafashwe ariko nyuma aza gupfa kuko yari yakomeretse cyane. Ku ruhande rw’ubuyobozi bwa CNT nyirizina, Minisitiri w’itangazamakuru Mahmoud Shammam yatangarije Reuters ko koko Kadhafi yapfuye.
AFP yo iratangaza ko umuvugizi wa CNT, Abdel Hafez Ghoga yagize ati " Muammar Kadhafi wayoboraga Libiya yapfuye kandi Syrte yabohojwe".

Ingabo za CNT rwagati muri Syrte

Gusa nanone amakuru nk’aya ntiyagiye yizerwa muri iyi ntambara ya Libiya kuko ni kenshi CNT yagendaga ivuga ko yafashe imijyi kandi bitabaye, ni na kenshi bagendaga bavuga ko bafashe cyangwa bishe bamwe mu bahungu ba Kadhafi, cyane cyane Khamis (batangaje inshuro 3 ko bamwishe), Saadi na Muhammad (bavugaga ko babataye muri yombi) na Moatassem Kadhafi bavugaga ko bafashe mu minsi ishize kandi ataribyo.
Kuba Syrte yafashwe byo ntibishidikanywaho, ariko iby’ifatwa n’urupfu rwa Kadhafi bikomeje kuvugwaho ibitandukanye, mu gihe bagitegereje ko haza gihamya y’ukuri y’uko koko byabaye. OTAN, USA, u Bwongereza n’u Bufaransa bishimiye ifatwa rya Syrte, ariko ntacyo baratangaza ku kuba Kadhafi yafashwe cyangwa atakiriho.
Amafoto ya AFP na Al Jazeera
Ibiro Ntaramakuru by’Abafaransa (AFP) biremeza ko byahawe amafoto yerekana Muammmar Kadhafi akimara kuraswa. Ayo mafoto ni ayo bita snapshots, ni ukuvuga ko yakuwe ku mashusho (video). AFP ivuga ko video zafashwe n’ingabo za CNT kuri telefoni zigendanwa nyuma y’aho imodoka Kadhafi yarimo n’izari zimukikije zaraswaga n’indege za OTAN.
Izo video zikaba zanerekanwe na Al Jazeera.
Abandi bivugwa ko bapfuye ni Aboubakr Younès Jaber wahoze ari minisitiri w’ingabo wa Kadhafi na Moatassem, umwe mu bahungu ba Kadhafi.

Ifoto bivugwa ko ari iya Moatassem, umwe mu bahungu ba Kadhafi

Ifoto bivugwa ko yerekana Muammar Kadhafi mbere y'uko apfa

Umunyamakuru Marine Olivesi wa France 24 wari i Syrte ubu akaba ari i Misrata nawe yemeza iby’ayo mashusho, ndetse ngo bamwe mu baganga baganiriye bamubwiye ko babonye Kadhafi azanwa kwa muganga mbere y’uko apfa.

IKO ISHINGURYA RYABACU BAZIZE AKARENGANE BYAGENZE IBUVIRA

AMAFOTO: Dore uko byari bimeze i Buvira umunsi wo gushingura Abanyamurenge biciwe i Fizi.

Yanditswe ku minsi 10 / 10 /2011 - 10:59:19

Nyakwigendera KABUTENI

Ifoto: Joseph

CALIFORNIA, AMERIKA - Ubushize twabagejejeho amakuru y’ishingurwa ry’inzirakarengane ziciwe ahitwa Lukongo, i Fizi, Repubulika Iharanira Demokarasi ya Kongo. Uyu muhangao wo gushingura wabereye mu muji wa Uvira. Iyi nkuru iribanda ahanini ku mafoto yahafatiwe. Aya mafoto arafasha benshi kwibuka ba nyakwigendera. Ubundi kandi birafasha umuntu wese utari ubazi kubamenya. Gusa ntitwabashije kubona amafoto y’abitabye bose uko ari barindwi ariko tuzakomeza tuyabashakire. Ikindi kandi nuko ubutaha tuzabagezaho imyirondoro ya banyakwigendera nibidushobokera.

Ikindi kandi, amakuru twakiriye mu mwanya muto ushize avuga ko ikiriyo c’imiryango ya banyakwigendera arico carangiye umunsi w’iposho ushize ariko hateganyijwe ikindi kiriyo kinini cane kizaba kirimo abantu benshi barimo n’abazaba baturutse mu mahanga ya kure. Iki kiriyo badutangarije ko kizaba ku minsi 23 z’uku kwezi kwa cumi turimo i Buvira. 

Aya n'amwe mu mafoto yafatiwe i Buvira m'umuhango wo gushingura:

Nyakwigendera KABUTENI.

Nyakwigendera KANDOTI.

Nyakwigendera MUSORE.

Nyakwigendera NYABISAGE.

Nyakwigendera GIFOTA.

Abayobozi b'amatorero RUBENI (w'ikoti ryirabura) na MANASI (w'ikori ryera).

Abana ba nyakwigendera KANDOTI baririra se.

Na Colonel BISOGO yarahari (uwo wunamye ufite isapu itukura ku bitugu).

Uyu ni Ministre BIGANZA.

Abana bafashe ifoto ya nyakwigendera MUSORE.

Uyu ni GILBERT mukuru wa nyakwigendera MUSORE.

Colonel MWUNGURA nawe yarahari.

Abantu bari benshi cane imbere y'ikanisa rya CADC ku KIMANGA.

Ibitekerezo 1

INGARUKA ZO KUTAGIRA IGIHUGU

Nkuko abize ibyiyoboka mana babivuga akenshi ko umugisha imana itanga ari IGIHUGU,niyo mpamvu akenshi iyo abantu batswe ubwenegihu nigihugu runaka usanga, bangwa aho bageze hose ndetse aho bavuze akarengane kabo ntibumvirwe kuko ibintu byose ubu bisigaye bishingiye kubukungu, mbese iyo mudaite igihugu ubukungu nabwo ntabwo muba mufite.
IGIHUGU nimwe mumigisha imana itanga kubantu, bitavuze ko ntawe imana itahaye igihugu, gusa abantu nibo bakwaka ubwenegihugu, kubwimamvu zamateka, idini,ibara ryuruhu rwawe nibindi......

gusa imana iba yaratanze igihugu kubantu bose, gusa zimwe mungaruka umushakashatsi Jean Pierre yashize mugitabo cye yavuze ko iyo udafite igihugu,( yavuze ko ntamuntu utagira ubwene gihugu usibyeko habaho kubwirengangiza kenshi ubisanga kumugabana wa africa.)

1. uba usa nkaho ntaho ubarizwa hano kwisi,
2. ntajambo ugira mubantu kuko uba usa nkaho uri inyamanswa udafite uruhare kukuyobora ubutaka, nibintu
3. nta vision ushobora kugira kuko ntaho uyigirira ( muburyo burambye)
4. isambu ubona ntiba iyawe nabazagukomokaho bose kubera iyo uri umunyamahanga aho uguze ikibanza akenshi cyitwa ubukode
5. amateka yawe aba limite
6. ntamurage utanga.
7. umuco wanyu urabura( urashira)
8. bagukoresha ico bashatse kuko udafite ahandi wajya
9.uba usa numuntu wanyazwe
10. uhora mukwibaza aho ukomoka( igihugu cyakwatse ubwenegihugu, uburyo wabubona.....) mugihe abandi bari kuzamura ubukungu, education, santé, nibinndi byinshi byiterambere)
11. ubukene buba bwinshi kurubwo bwoko( abana ntibiga, indwara zibanyinshi kubera ubuhungiri nibindi..)
12. nibndi tuzaza kubona mugice cya 2


Gusa igisubizo gishobora kuboneka nkuko ubitekereza nikihe?
nkuko mbibona cgse mbitekereza nuko abo muri ubwo bwoko bagomba kuboneka bamwe batanga ibyabo, batanga amaraso yabo, batanga umwanya wabo,babyiyemeza muribo bakaburwanira nkoku Nehemiya yitanze areka ibindi byose ajya kurwanira abiwabo nkinke ziwabo zari zarasenwe,
niko natwe tugomba kureka kureba kunyungu dufite ubu, kubiteye ubwoba biho ubu nibindi bicya ntege tukarwanira igihugu cyacu tukitwa abaco, tugasubizwa ibyacu byari byaranyazwe, ndetse tugatura ahacu hakitwa ahacu.... tukarya imbuhu nimishiba, ibyumfa, nimishishiri, za fungo, isogo, inkeri, amasonga ibituku nibindi bitaboneka ahandi mubihugu ataniyemo
ESE MWE NTIMUBONA KO TUMEZE NABI!!!!!!!!!!!!!!!!!!!!!!

PRESIDENT KABILA YATANZE CANDIDATURE YE

iki Cyumweru tariki 11 Nzeli 2011, Perezida wa Repubulika Iharanira Demokarasi ya Congo, Joseph Kabila yatanze impapuro yasabwaga kugirango yemerwe nk’umukandida ku mwanya w’umukuru w’igihugu mu matora azaba tariki 28/11/2011.
Ubwo yatangaga kandidatire ye, Perezida Kabila yageze aho komisiyo y’amatora ikorera atari mu modoka, ahubwo agenda n’amaguru, aho yari aherekejwe n’abashinzwe kumurinda bari kumwe n’abapolisi benshi. Inyuma ye kandi hari abaturage benshi berekanaga ko bamushyigikiye, cyane cyane abo mu ishyaka PPRD ayobora. Gusa Kabila yiyandikishije nk’umukandida wigenga (indépendant) nk’uko tubikesha AFP.

Abarwanashyaka ba PPRD baherekeje umukandida wabo Kabila

Kabila w’imyaka 40 ariyamamariza manda ya kabiri, nyuma y’uko amaze imyaka 5 muri manda ya mbere kuko yatsinze amatora yo mu 2006. Muri uwo mwaka, Kabila yari yatsinze Jean-Pierre Bemba ku cyiciro cya kabiri cy’amatora, ariko ay’uyu mwaka azaba mu cyiciro kimwe rukumbi, ku buryo uzaza ku mwanya wa mbere azahita aba Perezida.
Jean-Pierre Bemba yayoboraga MLC ubu afungiye ku Rukiko Mpuzamahanga Mpanabyaha rwa La Haye, aho aregwa ibyaha byo guhohotera ikiremwamuntu muri repubulika ya Centrafrique.
Aha twabibutsa ko mbere y’uko Kabila atsindira manda ya mbere mu 2006, yabanje kuba Perezida wa Repubulika Iharanira Demokarasi ya Congo mu nzibacyuho, ubwo yasimburaga se Laurent-Désiré Kabila wari umaze kwicwa arashwe tariki 16/1/2001.
Amatora y’uyu mwaka azitabirwa n’abanyekongo barenga miliyoni 32 azaba arimo abakandida benshi, harimo 3 bazwi kurusha abandi bazaba bahanganye bikomeye na Kabila. Abo ni Etienne Tshisekedi w’imyaka 78 uyobora UDPS, Léon Kengo wa Dondo w’imyaka 76 uyobora Sena y’iki gihugu, akaba yarahoze ari umwe mu bikomerezwa ku ngoma ya Mobutu, na Vital Kamerhe w’imyaka 51 wigeze kuyobora umutwe w’abadepite muri iki gihugu.
Hitezwe kandi ibikorwa by’ubugizi bwa nabi bitandukanye, dore ko no mu minsi ishize habaye imvururu zahitanye umuntu i Kinshasa, ubwo abo mu ishyaka UDPS bigaragambyaga.

PHILOSOPHIE ZA KARUCIYE (igice cya mbere)

Dawudi Karuciye ati: “Isi yarisanganywe ba se none ubu yabonye nyina.”

Yanditswe n'ubuyobozi kw'itariki ya 09 / 02 /2011 - 5:25:16        174 incuro imaze kurebga.

Dawudi Karuciye

Ifoto: Umwuzukuru we

CALIFORNIA, USA - Dawudi Karuciye yari umuntu uzwi cane mu bgoko bg’Abanyamurenge. Abantu bamwibukira cane mu magambo ye yavuze akiriho; aya magambo akoreshwa na benshi cane kugeze ubu. Aya magambo kandi yuzuye ubgenge burenze urugero. Ntawashidikanya ko yari umufilozofe (philosophe) w’Umunyamurenge nubgo atigeze agera ku ntebe y’ishuri. Kubera ko abantu benshi bakoresha amagambo ye cane, uganira n’umuntu ukumva aravuze ngo: “Karuciye yaravuze ngo...”

HEPFO KW'IFOTO NI DAWUDI KARUCIYE, AHO BAMUVURAGA

Mbere hose Karuciye yitaga inka amazina. Ubutumwa bumaze kuza, atangira kuvuga andi magambo akomeye kandi yuzuye ubuhanga butangaje. Aya ni amwe muyo yavuze:

1. Inka mbi niyo nziza: Ibi yabivuze mu mwaka wa 1972 ubgo umwe mu bakobga be yari agiye gushakwa. Iwabo w’umuhungu bazanye inka y’ifatarembo yitwaga Ruberumwami. Iyi nka ngo yari mbi cane. Umunsi wo gukoshanya ugeze, abagabo bagiye gutora inka. Abahungu be banga gutora ya yindi mbi, ahubgo bahitamo gutora inziza zari mu kibuga. Karuciye yaranze avuga ko ako gaka bagomba kugatora mu gihe kari kaje gufata irembo. Kabiri kangahe, ya nka mbi yabyaye inyana icenda n’ikimasa kimwe. Ibi kandi yakomeje abigereranya n’uko umuntu mubi ariwe mwiza ngo kuko ntiwakundira umuntu uburanga ahubgo umukundira umutima we.

2. Hakwiriye kurwara umugabo hagapfa umugore: Ibi yabivuze kubera ko umugore ashobora kurwaza umugabo we ariko ngo umugabo ntiyorwaza umugore we. Iyo umugore apfuye ataragira abana umugabo azashaka undi ariko iyo umugabo apfuye umugore ataragira abana azataha urugo rukazima.

3. Abapasiteri bateye abakirisitu umugongo: Umunsi umwe aja kwinjira, bamwicaza mu bapasiteri. Ageze ku ntebe bamwishazaho, yahisemo kwicara yerekeye inyuma. Mu yandi magambo, yicaye yereke inyuma mw'ikanisa mu gihe abandi bari bicaye berekeye imbere nkuko bisanzwe. Abantu bamaze gusohoka bagize amatsiko yo kumenya impamvu yamuteye gukora igikorwa nk’ico. Karuciye yababgiye ko abungeri benshi ariko bameze.  Ngo bateye intama (abakirisito) zabo imigongo; benshi ngo barazitaye barabunga abandi ngo nta mutima wa gikirisitu babafitiye.

4. Urambuze nanje ndakubuze: Igihe kimwe umuhungu we yarabunze ava aho bari baturanye na se. Ise (Karuciye) ntiyabyishimiye. Yaramwinginze amusaba kutagenda. Umuhungu we kuko yari yamashije, aragenda. Karuciye aramubgira ngo nubgo wishimiye kugenda ariko urambuze kandi nanje ndakubuze. Mu yandi magambo, yamubgiye ko baburanye. Tubibutse ko uyu muhungu igihe carageze yitaba Imana ise ntiyashobora kugera iyo yari atuye kubera ubusaza. Karuciye nawe nyuma yaje kwitaba Imana.

5. Ibyaha bivukana n’ibyago: Ibi yabivuze ku kiriyo c'umuhungu wabo we witwaga Serubungo. Yabajije abantu bari ku kigandaro harimo n’abapasiteri niba urupfu ruvukana n’iki. Habuze umuntu n’umwe ugisubiza. Yavugaga ko ibyago bitera umuntu ibyaha. Yemeza ko ibyaha bivukana n’ibyago.

6. Intumbi zihagaze nizo nyinshi: Igihe habaga intambara ikomeye mu misozi ihanamiye i Buvira ndetse n’i Murenge, abantu bazanye amakuru y’incamugongo mu muhana aho yari atuye mu Bijombo bavuga ko abasirikare bashize, intumbi zuzuye ku misozi. Karuciye yabasubije atangaye ababgira ko intumbi zihagaze arizo nyinshi. 

7. Abapasiteri bazabanyunyuza abakirisitu: Umunsi umwe abana basanga anyunyuza imbombo mu gashashe. Bamubajije impamvu atayitamira mu kanwa nkuko abandi bazirya, ababgira ko ariko abungeri b’amakanisa bazabanyunyuza abakristo iyo babasaba gutanga isadaka hamwe n’igice c’icumi.

8. Abasirikare bararwanye hapfa i kanisa: Intambara imaze kuba i Murenge, habuze umuntu wabasha guhuza ingabo zarwanaga. Maze Karuciye avuga ko harwanye abasirikare hapfa i kanisa. Ibi yabivuze abitewe nuko habuze abapasiteri bahuza abarwanaga ahubgo bahitamo kwifatanya nabo mu kubashigikira mu rugamba, aho wasangaga bamwe bashigikiye uruhande rumwe abandi bagashigikira urundi.

9. Iyo sindano muyintere mu mutwe: Karuciye yarwaye umutwe maze umuganga aja kumuvura. Uyu muganga agiye kumutera isindano kw’itako nkuko bisanzwe, aranga ngo ubgo arwaye mu mutwe bayimutere mu mutwe. Ibi byatwaye umwanya utari muto Karuciye yanze kumvira umuganga wamuvuraga.

10. Isi yarisanganywe ba se none ubu yabonye nyina: Igihe umukobga wa mbere w’umunyamurenge abaye umutegetsi i Murenge, Karuciye byaramutangaje cane. Aravuga ngo isi yarisanzwe ifite ba se none yabonye nyina.

11. Bariya Bakobga babomboka bari basanzwe bakoshanyijwe? Igihe igikorwa co kubombora no kubomboka gitangiye i Murenge, Karacuye yabajije abantu ngo ese bariya bakobga bari mukubomboka baribasanzwe bakoshanyijwe?

Hariho andi magambo wibuka Dawudi Karuciye yavuze akiriho? Hariho se undi muntu wavuze cangwa se ukivuga amagambo atangaje nkaya i Murenge? Tanga ibitekerezo aha hepfo cangwa utwandikire.
____________________
*Iyi nkuru twayanditse twifashishije ibiganiro Imurenge.com yagiranye n’umwe mu bahungu ba Dawundi Karuciye ndetse na bamwe mu buzukuru be.

Ibitekerezo 4    Soma / Tanga Ibitekerezo

Ibitekerezo

---

Eric avuga: Murenge yapfushije benshi ariko uyu we ararenze. Mbega ubgenge, ubgenge, ubgenge...genda wa musaza we wasize ico abawe tuzahora tukwibukiraho. Ndizera ko hariho abantu benshi bari nk'uyu i Murenge. Njewe ndifuza kumenya amagambo yabo yuko ni meza kuyamenya. Imurenge.com murakoze kutugezaho iyi nkuru nziza cane.
Byanditswe kw'itariki ya 09 / 02 /2011 - 5:30:56.

Ruhumuriza avuga: Ntabgo tuzamwibagirwa bariya nibo bareze benshi kubera amagambo yubgenge bagiye bageza kubantu bimurenge nje nshobora kubita ko aribo bari biblioteke ziwacu aho abantu bagiye bavoma ubgenge bureba kure, kuko amajambo yavuze uyumugabo uyitondeye afite insiguro ninshi cane kubiba ubunyine iwacu. arikose hariya yazavurirwa nimubitaro cange????? mana fasha imurenge.
Byanditswe kw'itariki ya 09 / 02 /2011 - 10:14:05.

Eric avuga: Bishoboke yuko aho yariko avurirwa ari ku musozi nyine...wowe ntuhabona wa? Ariko ntakundi nyine. Ariko amagambo uyu mugabo yavuze ndayubaha pe!
Byanditswe kw'itariki ya 09 / 03 /2011 - 3:36:32.

Ruhumuriza avuga: Uko nukuri amagambo yiwe aremewe kabisa, twizereko imurenge harabandi yasize bazavuga andi magambo nkayiwe, kandi tunasengere iwacu naho hazagere ibitaro biteye imbere bizafasha abantu kuva muriburiya buzima.
Byanditswe kw'itariki ya 09 / 04 /2011 - 12:42:39.